2015aujoesV(laat u voorlezen!)

 

Tserukrees

Hu is d’r letste daag van de
vakans óp ‘t eiland. Nog ing waech heem. Doanoa vingt de sjoeël werm aa. Dat sjteet óch óp e dóch jesjraeve. ‘t Hingt tusje tswai beum. ’De scholen zijn weer begonnen’. ’t  Angèle, d’r Free en hön kinger lofe drónger durch. In de have waat  de boot. Tseruk noa ’t vaste land. Mit ing erinneróng an vräud in de rouw. E bild va zieë en zank.  Wink en zon. Jemuutliegheet van e huus-je. Sjuts teëje reën. Zoeëjaar sjtórm. Tsezame óp e eiland. Ónendlieg. Ónverjaes-liech.
Óp de boot zitse ze an de reling.Jenauw wie d’r hinwaeg. Zient ’t land kótterbij kome. D’r sjloes van de vakans. D’r  wieë oesblik van ’t eiland is vervloage. De daag die wade zunt noen de horizon. ’t Werk, de sjoeël. Zörg um ee.
D’r wasserweëg weëd kótter. De zieëhung nit mieë jezoeët. Óch noen aese ze e ies. Mit d’r jesjmak van de tserukrees. ’t Nieëks joar junt ze werm. Ejaal woahin. Jiddenfals mit e jeveul van e eiland. E eiland va jeluk.