2011maiIII


(laat u voorlezen!)

E kis-je

'Wie mótste doa mit um joa,' dinkt 't Marleen. Inne renner viert inne berg eraaf. Mit kraf in de bee. Floep in d'r kop. Noa d'r zichere finish. Hofnoeng va jewinne. Daag  noa daag. En da inne sjlaag. In inne flits jeet 't leëve verbij. 't Is zoeë wied. D'r finish jetrókke óp inne berg in e blódsjpoor. Zieng vrauw is in umsjteng. Zie kink zal heë noeëts zieë.
'Wat mótste doava vinge,' vroagt 't Marleen ziech aaf. Inne terrorist sjisse ze d'r kop i sjtukker. Ónger de oge va zie kink.
't Marleen jeet eróp noa d'r zölder. In zieng kingertsiet woar doa e kling vinster. Zienne pap hauw ing kis drónger jezatsd. Óp de tsieëne sjtong 't Marleen dróp.'t Kank wied kieke. Uvverdaag noa de horizon. 't Oavends noa de sjtere. 't Vong 't sjpannend. I jedanke ing rees maache. Mit 't jeveul doa óch aa tse kómme.
Noen is 't e jroeës vinster. D'r zölder umjebouwd in e tsimmer. Doa sjteet inne sjterekieker. Het kan wied kieke. De kratere van d'r mond zunt duudlieg tse zieë. 't Is jraad of het druvverhin leuft. Mit 't jeveul van 't kis-je oes de kingertsiet. D'r mond zoeë kótbij. De eëd hinger ziech jelosse. Jroeës jenóg um ze nog tse zieë. De eëd mit vräud en leed. Of wat da óch.  
'Zoeë kanste d'rmit umjoa,' zeët 't Marleen.''t Leëve ing plaatsj jeëve.'
E kis-je ónger de vus.