2011 dec IV (laat u voorlezen!)
'Uung mam is nit oes u hats,' zaat d'r pastoer in de absjiedsmaes.
Vurriegs joar hauwe de tswai kinger mit d'r pap en de mam tsezame de kriskaat jemaad. 'Wils te sjtere zieë, mós 't duuster weëde' hauwe ze dróp jesjraeve.
De mam hauw de kaat jemoald. Blauw in 't sjwats. Kloar inne sjteer.
Duuster is 't woeëde vuur hön. De sjtere zunt inne troeës. Kótbijenee ónger d'r sjteer van de mam.
't Tsimmer is jetseerd wie jidder krismes. Al erinnert an de mam.
De zon jeet ónger i troane. De sjtroale jlietsere in de oge wie sjtere va wóngerkeëtse.
't Lit van d'r adventskrans sjiengt werm in d'r duuster. 't Jieët e jeveul va joare tsezame. Van ummer zoeë zieë. Van ieëwiegheet. Va sjtere. Va de mam. Van ummer in 't hats.
