D'r tsóg

Haofvaaste. Óp 't Belsj trekke óptsug durch de sjtroase. Nog eemoal noajenisse van de vasteloavend. Die sjiengt waal ing ieëwiegheet lang jeleie. De lü kiekke mui. Ze hant jenóg van d'r winkter. 't Vrugjoar is kótbij, mar nit de werm temperatoer. Went ze sjpringe va vós óp vós da is 't um e bis-je werm tse krieje. De kloneklure sjtèche fletsj aaf teëje de jrauw loeët. Inne oeësterhaas mit ing mangel jekluurde aier óp d'r ruk ruft 'alaaf'.
Óp d'r boech dreëgt heë e sjild: Oeëstere tse vrug?
An d'r rank van de mangel óp d'r ruk hingt e sjild: Vasteloavend tse sjpieë?
Heë is d'r intsiegste aintseljenger. De angere zunt heem. Vuur dön is de vasteloavend tse vrug.
Durch 't Hollendsj jeet óch inne tsóg. Uvver 't jlais vare doezende lü. 't Is ruiieg in de coupé's. Jiine jewald of krach. Ze leëze bucher. Inne sjriever is d'r conducteur.
Inne daag in de bucherwèch is besjtimd um mit wöad tse reze. Durch ing landsjaf va politiek jewald. Ziech óngeree aafmaache. Sjprèchkoere mit aasjtèchende krankhete. Jeveulents aajepriest óp reklamesjilder. Tolerants verdrónke i ing zieë van iech en nog ins iech.
D'r tsóg viert wieër.
Lü leëze ziech durch jesjiechtens um tse vertselle, um tse veule.
D'r oeësterhaas danst mit inne kloon.
Joa vrugjoar, dat is 't woad.
Um e bóch mit aa tse vange.
E bóch mit inne offene sjloes.