(laat u voorlezen!)

 

 

versjrómpeld

ze drieve de kraanvüejel
óp papierjevauwe vlüejel
van 't Sadako Sasaki
elf vrugjoare aod
jetróffe durch de bom
óp Hirosjima
't kink zoog
inne paddesjtool
sjtroale in de loeët
wool doa sjoelle
mit kaboutere sjpieële
't woeët versjrómpeld
óp zie jraaf wase
alle vrugjoare
blomme

ze vleie de kraanvüejel
ing wólk va jeluk
óp de vlóch
vuur d'r paddesjtool
ze wille hei sjoelle
mit ós sjpieële
en de blomme óp 't jraaf
van 't Sadako Sasaki
zunt versjrómpeld
dis vrugjoar

2011