bleer II

’t zitst allenäu nit
zoeë mit dis waech
ónnóts drieft eri
naestelt ziech
in ’t jemuut

sjwatse vuejel drieve
in ‘ne wille wink
óp jach haas tse sjträue
sjuve ‘ne sjlaier va jewald
vuur de zon
herfsbleer verbleeche
um ziech i voet
tse kroefe
in ‘ne winktersjlof

durch de kaal tek
fluustert e leefdeslid
kroef oes de höal
keer de bleer bijenee
los ze drieve
oes de heng
óp de tuen
van ’t lid
noa diech
in ieëwieje herfskluur

’t zitst mit
de nui waech

2021