sjritteIII

sjritte ee vuur ee
berg eróp
blik noa boave

sjritte ee vuur ee
jing tswai ’t zelfde
noa d’r top
doa mie zieë
mie vinge

sjritte ee vuur ee
d’r berg eraaf
tseruk in ’t daal
verjaese de huegde
mie zieë  bliet
hinger in ’t verlange
noa boave

sjritte ee vuur ee
jing tswai ’t zelfde
jans mie zieë
in de huegde
van ’t leëve

sjritte ee vuur ee
berg eróp
i mie verlange
jee umkieke
jesjiechte is vuur ’t daal

sjritte ee vuur ee
noa d’r top
zets doa e bild
va diech
kótbij d’r himmel

sjritte ee vuur ee
allenäu ’t zelfde
boave ’t leëve
jesjiechte bliet
hinger vuur ’t daal

2022